أحتياج

أحتياجى الحالى

أنى أحضن واحدة وأنام

أيوا أحضنها وأنام

ﻷ مش عايز أبوسها أو أنام معاها

لكن عايز أحس بجلد تانى بيلمسنى

مش بيلمسنى عشان شفقة

مش بيلمسنى عشان خدمة

مش بيلمسنى عشان فلوس

لكن بيلمسنى عشان هو عايز ده
يشحنى طاقة سعيدة 

طاقة إنسانية

أحتياجى الحالى

أنى أتحضن وأنام

يمكن ساعتها سلامى الداخلى يرجع تانى

يمكن الشياطين اللى جوايا تخاف وترجع جحورها

 يمكن ده يخلينى سعيد شهر كمان

يمكن حاجات كتيره

 بس النتيجه ؟

النتيجه .... مهما كان اللى عايزه حتى لو بسيط

مش دايما هتحصل عليه

ومش دايما الناس هتفهمك صح

كلهم خونة ... وأنا مجرد كافر ومجنون 

السبت 16.3.2013

مزج أول: صباحاً

ذهبت لمقابلة (م.ر.) كما اتفقنا فى اليوم السابق وكما توقعت كانت تتحدث عن مجتمعها الأسود ومن نام بجانب من ومن أصابته الضيقه لرؤية هذا يضع يده علي هذه ... نفس الحوارات السوداء القذرة التى تراها فقط فى الأفلام العربيه

النتيجه من كل هذا  لقد تم أستغلالي ﻷقصى الحدود

مزج ثانى: مساء

قابلت (ع.ر.ن.) و (ر.ي.) لا من اجل اى هدف لك من أجل الدخان الذى أصبحت امله

- هل تعلم عن أنزيم رقم 9؟

- لا

كلام كثير عن أنزيم رقم 9 وكيف انه يمكن أسترجاع كل شىء فى جسم الإنسان بهذا الأنزيم وأنه فى المستقبل سوف يكون هو العلاج الوحيد أو ينبوع الشباب وبدل ما ندفع الألفات فيه لسوف يتحول إلة دواء فى المستقبل عندما نتقدم فى السن

أقاطع كل هذا بكلمه واحده : ده لو عجزنا أصلاً

الجمعه 15.3.2013

اليوم يبدأ فى وسط البلد الساعه الحاديه عشر صباحاً

أحاول الوصول إلى (ر.ي.ق.) من أجل الأكتشاف الجديد لكنه لا يجيب 

أقابل (ع.ر.ن.) الكثير من المغيبات بفضل (ن.ي.) و (ج.و.ر.) وفى اخر اليوم أقابل (م.ر.) التي تصر على أننا يجب أن نتقابل السبت وهو الذى أعلم جدياً أنه لن يحدث لعدم تركيزها أو أهتمامها بهذا لكنها فقط تقوله من حكم الواجب والعاده
غداً أعلم ما سوف يحدث

الخميس 14.3.2013

بعد محاولات مستمره منذ الساعه الثالثه .... لم يتجاوب معي اي احد من الست اشخاص الذين حاولت اقناعهم بعمل اي شيء

النتيجه يوم الخميس وحيدا علي الحامديه احتسي العديد من فناجين القهوه الساده بن غامق

المجد للوحده

------------------------------------------------------------------------------------------------------------

عند تمام الساعه الحاديه عشر ونصف أى قبل أنتهاء اليوم بنصف ساعه كلمنى (ه.ا.ي)  للقيام بتعاويز الفودو فى مخبئه ... وهو كان أفضل شئ فى اليوم

خطاب شديد اللهجة رقم 3

يجب علاج الشعب المصرى من نظرية المؤامرة
كل شخص مقتنع أنه هو المصرى الوحيد الجقيقى والباقى خونة
وأكثر الأتهامات خزعبلية تكون للفئة التى يطلق عليهم الأقباط
الكل يخشى أن يتولوا أى شىء فى الدولة

أفضل تعليق قرأته حاصل على جائزة اللاوعى اللامنط اللاعقل هو أعتقاد صاحب التعليق - وأنا متأكد فئة كبيرة من هذا الشعب - أن عمل الأقباط فى المخابرات هى الخطوة الأولى لسيطرة أقباط المهجر على مصر

على أساس أن أى قبطى يتولى منصب سوف يكون لتدمير البلد
وأن أقباط الوطن وأقباط المهجر مش مصريين أصلاً
مع أن لغوياً قبطى تعنى مصرى ولا تعبر عن دين

ومن يقال عنهم أقباط - أى مصريين - هم أول ناس تريد تدمير مصر

نظرية المؤامرة تحولت لأسلوب حياة ممتع الكل مستمتع به

خطاب شديد اللهجة رقم 2

الأديان فى خطر ..... الكل يجب أن يدافع عن دينه

أصاب وطننا البغيض الأونة السابقة مصيبتين جديرتان بإزاحة المسيحية والأسلام عن وجه مصر المحروسة أو هذا ما رأيته


أول مصيبة هى مدام كامليا
السلفيين يطالبون بكامليا
المسيحيين يخفون كاميليا
مظاهرات سلفية من أجل كاميليا

هممم ... هل تريدون إقناعى بأنتهاء الزمن القادم وكل ما هو باقى لحل المشاكل وإنقاذ الأديان المهدده بالفناء هو كاميليا؟
مش مكسوفين؟
مش شايفين أنكم بتقللوا من قيمة أديانكم كده؟

من عندى هنا أنادى مدام كامليا أطلعى بديك أمك ... هيحصل فناء للأديان وكل الناس مش عارفه تعيش حياتها من غيرك
أظهرى وخلصى ديك أبونا أحنا


الكارثة الثانية .... طام طاطاطام
المادة الثانية من الدستور
هناك أوهام يجب أن توضح مثل
هل تعلم لو تم الغاء تلك المادة لن يحدث أى شىء لكل الأديان؟
يعنى للمسلمين لن تتحولوا إلى مسيحيين
وللمسيحيين: لن يتحول المسلمون ليهود
ليست ديك أم المادة الثانية هى من تحدد من يؤمن بماذا

مفاجئة لو تم الغاء تلك المادة لن ترى الخمر يجرى فى شوارع مدينتنا - كما قالوا لك - ولن يسمح بالزواج المثلى كما أوهموك؟
ببساطة عادات هذا الشعب لن تسمح بهذا ... دون الدخول فى أديان
معلومة أخرى ... لن تهدم المساجد ويبنى كنائس مكانها إذا حدث شيئ للمادة الثانية
لن تتغير أخلاق الشعب إذا حدث شيئ للمادة الثانية

لماذا؟

لأن الدين يظهر من الشخص فى تعملاته وليس من دساتير نحن من نضعها يا أغبياء
هذان كانا أكبر المصائب التى أصابت الشعب المصرى بالرعب فى الفترة السابقة
وجعلته يشعر أن الأديان فى مصر على وشك الأضمحلال والأنتهاء
همممم

أنتم مش مكسوفين من تفكيركم؟

خطاب شديد اللهجة رقم 1

هذا خطاب شديد اللهجة لمجموعة من الشباب الذين تحولوا فجأة لشيوخ
هدوا اللعب شوية ليجلكم جلطة ولا حاجة
لو عاوزنها دولة دينية ... ما فيش مشاكل
خدوا الجمال وأطلعوا على إيران

عشان ده معناه أن علاقتكم بميدان التحرير علاقة تلفزيونية أو نزلتم يوم الجمعة عشان تشتروا العلم عشان مستحيل حد كان فى الميدان وعاش هناك هيفكر كده ... الا لو كان بيضحك على كل اللى فى الميدان

إن كان تقربكم من الله بالنسبة لكم هو التفاعل المستفز مع المواطنين الأخرين فى الوطن
يبقى أركبوا الطفطف وعلى إيران

واللى على راسه بطحه ....

وشكراً