أحتياجى الحالى
أنى أحضن واحدة وأنام
أيوا أحضنها وأنام
ﻷ مش عايز أبوسها أو أنام معاها
لكن عايز أحس بجلد تانى بيلمسنى
مش بيلمسنى عشان شفقة
مش بيلمسنى عشان خدمة
مش بيلمسنى عشان فلوس
لكن بيلمسنى عشان هو عايز ده
يشحنى طاقة سعيدة
يشحنى طاقة سعيدة
طاقة إنسانية
أحتياجى الحالى
أنى أتحضن وأنام
يمكن ساعتها سلامى الداخلى يرجع تانى
يمكن الشياطين اللى جوايا تخاف وترجع جحورها
يمكن ده يخلينى سعيد شهر كمان
يمكن حاجات كتيره
بس النتيجه ؟
النتيجه .... مهما كان اللى عايزه حتى لو بسيط
مش دايما هتحصل عليه
ومش دايما الناس هتفهمك صح
كلهم خونة ... وأنا مجرد كافر ومجنون
